Pinangunahan ng dating Mayor Calixto R. Cataquiz ang pagpapasinaya ng bagong tayong Day Care Center sa PEA 2A Brgy. Langgam. Ito ay naisagawa sa pamamagitan ng Rotary Club of San Pedro District 3820 sa pakikipagtulungan ng Rotary Club of Wakayama-Naka Japan at Pamahalaang Lungsod. Malaking pasasalamat naman ni Brgy. Chairman Romeo Poyaoan at HOA Pres. Tess Lacsamana dahil naisakatuparan na rin ang matagal nilang pinangarap at sadyang maipagmamalaki.
Ayon naman kay RCSP Pres. Edgardo Cavite, ito ay malaking bagay para sa mga kabataan dahil dito nahuhubog ang kanilang kaisipan. Kasabay nito, inihayag niya ang kanyang kagustuhan na magdagdag ng aircon para mas komportable ang mga bata. Nagkaroon ng signing of memorandum of agreement ang barangay at Rotary Club upang ito ay mapangalagaan at mapanatili ang kaayusan.
Kabilang sa mga dumalo ay sina City Admin Filemon I. Sibulo, Councilors Edgardo Berroya at Jamie Ambayec, RCSP Past Pres. Emil Mendiola, CSWD Head Fatima Autor, mga barangay kagawad, RCSP members, at Homeowners Association.
The post PINAKAKABAGONG DAYCARE SA SAN PEDRO, PINASINAYAAN appeared first on .