Sa ika-apat na pagkakataon, muling nakamit ng pamahalang lungsod ang Seal of Good Local Governance (SGLG) 2018 mula sa Department of Interior and Local Government (DILG) bilang pagkilala sa katapatan at kahusayan ng lungsod ng San Pedro sa ilalim ng pamumuno ni City Mayor Lourdes S. Cataquiz noong Nobyembre 7. Malaking karangalan sa lungsod ang nasabing seal dahil patunay ito ng kasiguraduhan para sa mga investors at katiwasayan para sa mga mamamayan. Tumanggap ang lokal na pamahalaan ng DILG Performance Challenge Fund (PCF) na nagkakahalaga ng P5.1 Million para mapondohan ang mga development programs ng pamahalaan. Ang SGLG ay nagsisilbing hamon ng DILG para sa pamahalaang lokal upang mas mapabuti ang pamamalakad, maipagpatuloy ang maayos na pagganap ng pagiging bukas (transparency) at may pananagutan sa paggamit ng pondo, makapaghanda sa banta ng kalamidad, maipakita ang pagiging sensitibo sa pangangailangan ng mga vulnerable at marginalized sectors ng lipunan, mapangalagaan ang integridad ng kapaligiran at maprotektahan ang mga mamamayan sa banta sa buhay at seguridad. Photos by: Bobby Acosta
The post SGLG AWARD PORMAL NA TINANGGAP NI MAYOR CATAQUIZ appeared first on .