111 NA KABABAIHAN NILAGYAN NG IUD

Patuloy na isinasagawa ng City of San Pedro, sa ilalim ng pamunuan ni City Mayor Lourdes S. Cataquiz, ang programa sa family planning sa pamamagitan ng paglalagay ng intrauterine device (IUD) implant sa mga kababaihan na isinasagawa sa Jose L. Amante Emergency Hospital (JLAEH) noong Hunyo 1, 2018.
Mula sa iba’t-ibang barangay, nilagyan ang 111 na kababaihan ng implant (implanon) sa pamamagitan ni Dra. Annabelle Fajardo. Ang implant (Implanon) ay isang maliit at manipis na kapsula na naglalaman ng progesterone. Ito ay inilalagay sa ilalim ng balat ng braso ng mga kababaihan upang maiwasan ang pagbubuntis hanggang tatlong taon at maiwasan ang pagdami ng kanilang mga anak. Bukod dito, nagkaroon ng talakayan tungkol sa pagpaplano ng pamilya sa pamamagitan ni Provincial Population Officer Josefina Yaneza, Population Program Officer Andiolina Estalilla at Mary Grace Reyes.