May kabuuang 95 na “indigent senior citizen” ang nakinabang sa libreng bakuna kontra pulmonya na magkakatuwang na isinagawa ng City Health Office (CHO) na binubuo ng Rural Health Unit (RHU) at JLAEH nurses, at Senior Citizens’ Affairs (OSCA) sa Lokal na Pamahalaan ng San Pedro noong Pebrero 9, 2018.
Ayon kay head nurse Riah Fojas, isinagawa ang “mass immunization” sa mga senior citizen na may edad 60 pataas upang mabawasan ang bilang ng mga namamatay na matatanda dahil sa pulmonya at influenza.
Ang pneumococcal disease ay ang nangungunang sanhi ng seryosong sakit sa buong mundo. Ito ay dulot ng karaniwang uri ng bacteria, ang pneumococcus, na maaaring atakihin ang iba’t ibang bahagi ng katawan at magdudulot ng mga sakit tulad ng pneumonia, meningitis, middle ear at sinus infections, at sepsis, isang infection sa daluyan ng dugo.
The post BAKUNA KONTRA PNEUMONIA, HANDOG KINA LOLO AT LOLA appeared first on .