Ika-29 ng Oktubre, 2015, Lungsod ng San Pedro – Daan daang mga batang nakarehistro sa City Human Resources Office na kaanak ng mga empleyado ang dumagsa sa City Hall upang makabahagi sa Kiddie Halloween Event na sadyang inihanda ng Office of the Mayor sa pakikipagtulungan ng lahat ng Departamento. Nakakatakot at may kahalong pagkagulat ang tema sa event dahil sa mga dekorasyong naglalarawan ng kamatayan at kaluluwa na nakita at narinig ng mga kabataan sa kanilang pag-iikot.
Sa pagkatok ng mga bata sa pinto ng bawa’t tanggapan at pagbubukas sa kanila nang may suspense at pagsasabi nila ng “trick or treat” ay nalalarawan sa kanilang mga mukha ang kasabikang mabigyan ng ” treat”. nakahanda na ang iba’t ibang mini bags ng iba’t ibang kendi na kinalulugdan ng mga bata tulad ng tsokolate, nougat, wafers, at marami pang iba.
Nakakatuwang panoorin ang mga bata sa kanilang iba’t ibang halloween costumes: may prinsipe at prinsesa, anghel, drakula at superheroes. Mayroon ding mga empleyadong kababaihan ang nagsuot ng semi- bunny in black costume.
Nagkaroon ng paligsahan sa pinakamagandang costume na ginantimpalaan sa gitna ng salu-salo sa Pavilion Hall.
The post HALLOWEEN TRICK OR TREAT 2015 appeared first on .