Noong nakaraang ika-24 ng Mayo 2017, sa Pavilion Hall, nagsagawa ng pagpupulong patungkol sa Comprehensive Land Use Plan/Zoning Ordinance upang magkaroon ng plano para sa lugar na itinuturing agricultural, institutional, commercial, residential, industrial at protected areas. Dito’y siniguro din na may mga regulasyong nakapaloob sa mga ito upang maging maayos ang paggamit sa kalupaan at katubigan ng lungsod.
Ayon kay City Mayor Lourdes S. Cataquiz, malaki ang parte ng HLURB, Provincial Government at DILG upang matupad ang kanyang naisin na gawing tourism belt, maging business friendly at mabigyan ng pabahay ang informal settlers. Nakiisa sa pagpupulong sina Admin. Filemon I. Sibulo, Kon. Delio L. Hatulan, Kon. Celso Ambayec, Kon. Edgardo M. Berroya, ABC Pres. Romeo Marcelo, Department Heads, Engr. Pablo Del Mundo, Head ng CLUP;HLURB Ana Dagñalan, DILG Michael Aquino, LTCATO Dra. Rosauro Sta.Maria, Marivic Villamayor at Necoy Lagasca.
