Ipinagdiwang ng IDEA Korea ang Araw ng mga Puso sa pamamagitan ng pamamahagi ng relief goods sa mga residente ng Barangay Landayan sa Lungsod ng San Pedro, sa tulong na rin ng Salt & Light International.
Ang naturang okasyon ay pinangunahan ng presidente ng IDEA Korea na si Jung Sang Kwon, kasama ng kanyang mga miyembro na sina Reverends Lee Yong-Chul (Young Mun Presbyterian Church), Lee Suk-Soo (Amsa First Presbyterian Church), Park Mun-Hwan (Bok Daen Presbyterian Church), Yang Ne Kwon (Ye Dam Presbyterian Church), Jung Jung Yong, Ahn Young Chil at Hong Wan Geun.
Ang taunang “gift-giving” na isinasagawa ng grupo ay sinuportahan at dinaluhan din nina Mayor Lourdes S. Cataquiz at dating punong-lungsod Calixto Cataquiz.
