Nakisaya ang mga miyembro ng San Vicente Federation of Senior Citizen Association, Inc. sa ginanap na “Valentine Ballroom Dance Party” sa Pacita Astrodome, San Pedro City, Laguna, mula alas-6 hanggang alas-10 ng gabi, Feb. 14.
Ang naturang okasyon na binalot ng makukulay na kasuotan, palamuti at nakaiindak na musika ay dinaluhan nina City Mayor Lourdes Cataquiz, dating punong-lungsod Calixto Cataquiz, Vice Mayor Iryne Vierneza, at mga Konsehal na sina Jaime Ambayec, Carlon Ambayec, Bernadeth Olivares, Edgardo Berroya, at dating konsehal Diwa Tayao.
Kasama ring nakisaya sina IDEA Korea President Jung Sang Kwon, Reverends Lee Yong-Chul (Young Mun Presbyterian Church), Lee Suk-Soo (Amsa First Presbyterian Church), Park Mun-Hwan (Bok Daen Presbyterian Church), Yang Ne Kwon (Ye Dam Presbyterian Church), Jung Jung Yong, Ahn Young Chil at Hong Wan Geun, na naghandog pa ng isang mataimtim na panalangin.
