Mayo 10, 2016 – Iprinoklama ng San Pedro City Board of Canvassers si incumbent City Mayor Lourdes S. Cataquiz bilang Mayor-elect ng Lungsod ng San Pedro. Ito ang ikalawang term ni Mayor Cataquiz bilang Punong Lungsod.
Kumuha si Mayor Cataquiz ng kabuuang boto na 52,398 laban kay dating Vice Mayor Rafael Campos na nakakuha lamang ng 33,462 boto. Pumangatlo si Eugenio Ynion Jr. na may botong 31,454, at pumang-apat si dating Konsehal Michael Casacop na may botong 2,528.
Sa kaniyang talumpati matapos ang kanyang proklamasyon, nagpasalalamat si Mayor Baby sa Diyos at sa mga mamamayan ng San Pedro sa ginanap na mapayapa at malinis na eleksiyon sa San Pedro.
“Kailangan po natin na abutin ang ating mga ka-lungsod na higit na nangangailangan. Nakita at naramdaman ko po sila sa loob ng 45 araw na inikot ko ang ating buong lungsod. Uunahin natin ang kapakanan nila sa ating paglilingkod ”, ani Mayor Baby.
“Tuldukan na po natin ngayon ang panahon ng kampanya. Umpisahan na po natin ang panahon ng pagkakaisa at paglilingkod. Kaya’t ako po’y nananawagan sa inyong lahat, na tayo po ay magkaisa at magtulungan upang ipagpatuloy ang trabaho at tungkulin na sa atin ay nakalaan”, dugtong niya.
Nahalal na vice mayor si Iryne Vierneza, samantalang ang mga City Councilors ay kinabibilingan nila Celso Ambayec, Art Joseph Francis Mercado, Marlon Acierto, Delio Hatulan, Divina Olivarez, Bernadeth Olivarez-Cuevas, Jamie Ambayec, Edgardo Berroya, Carlon Ambayec at Kent Lagasca. (PAIO San Pedro)
The post PUNONG LUNGSOD MAYOR LOURDES BABY CATAQUIZ WAGI SA PANGALAWANG TERMINO appeared first on .